Olav Stedje,
Ragnar Hovland
og meg

Ragnar Hovland og Olav Stedje møttest gjennom min tabloide avisartikkel.

Dette les eg av ei av Ragnar Hovland sine tankerekkjer i ei avis austaføre.

Han peiker på ein artikkel skriven av undterteikna. Eg var i tjueåra og både stor fan av Ragnar Hovland (Sveve over vatna og alle dei glimrande essaya) og i slekt med Olav Stedje.

Eg er framleis stor fan av Hovland og i slekt med Stedje, men dette var tida eg var tabloidkongen på Hanehaug.

Det var Gunnar Stedje som tipsa meg. Han er endå nærare i slekt med Olav Stedje enn det eg er, og kunne ikkje skrive noko om denne særleg delikate saka sjølv.

Om me no oppsummerer; Gunnar fortalde meg at han Ragnar Hovland hadde skrive at «han og Sogndals-bandet Compact, med Olav Stedje, hadde røykt narkotika på eit bakrom på Solhov i Sogndal.» Slike usanne påstandar skulle Olav Stedje ha vore svært kritisk til.

I ettertid er det lett å føyse dette unna som reint oppspinn frå Ragnar Hovland si side. Dette skjedde aldri i det verkelege. Denne setninga var lagt inn for å gi teksten liv.

Eg fekk ikkje tak i verken Olav Stedje eller Ragnar Hovland på telefon.

Og der skulle ein tru at avissaka stogga.

Nei, andrehåndskjelder gjorde ho til ei framsidesak:

Eg prata med forlaget, som meinte dette var eit vanleg litterært grep. Og Compact-gitarist Jan Rolv Loftesnes på Loftet var alltid på fasttelefonen, og han meinte at «jau, dette likte nok ikkje han Olav særleg godt, nei!»

Hovland var i Gibraltar i høve Stedje sin 60-årsdag då han kom på denne soga:

Og denne festen i eit eksotisk partytelt ved Middelhavets blå strender gav meg eit kjærkomme høve til å minnast første gongen mine og Stedjes vegar kryssa kvarandre. Det var det herrens år 1999, og det galdt eit førstesideoppslag i Sogn Avis (ei avis eg elles les med glede kvar sommar). Her blei det i si tid kjende Sogndals-bandet Compact skulda for å ha røykt narkotika på eit visst bakrom, og den som skulle ha sett fram påstandane var visstnok underteikna. Og Olav Stedje blei tvinga ut i avisa for å kommentere (og så vidt eg hugsar dementere saka).Ragnar Hovland, Dag Og Tid 14.06.2013