Eg helsa på ein kar frå Austlandet på pubben i Sogndal i julehelgi, han er visst gift eller sambuar med ei jente frå Sogndal. «Ho er i slekt med Olav Stedje,» sa han. Olav Stedje var trubadur denne kvelden, slik han er kvar jul. «Det er eg òg,» sa eg. «Så då er dama di og eg i slekt. Tremenningar, trur eg.»

I dei dagane lét distriktsredaktør Rolf Sanne-Gundersen (45) lysa ut at det skulle lagast grundig og god journalistikk over heile fylket. Dette var den gongen dei skulle sette søkjelyset på saker som var viktige for folk, og det hende medan Jarle Aarvoll var ordførar i Sogndal. Då fór alle heim, kvar til si bygd, og skulle høyra på radioen.

Nettet treng kanskje ikkje endå eit innlegg som påstår at Bose QC 15 er den største oppfinninga sidan skjerpa brød.

Eg snubla innom Herr Nilsen i ettermiddag, der Staffan William-Olsson og Einar «pastoren» Iversen heldt konsert.

Sist eg høyrde Olsson live var med The Real Thing på 90-talet (eg har i mellomtida opplevd han som ein fantastisk pedagog), og vel har han vorte litt rundare i kroppsfasongen, men den mannen leverer framleis gitarspel i verdsklasse.

I Riddervoldsgate i Oslo står to klesbutikkar:  H. M. Ramstad og Bruuns Bazaar Copenhagen. Eg står ofte med ryggen til dei, ventande på ein trikk. Det hender eg snur meg, litt kaldgufsen, og ser inn på kleda gjennom vindaugene.

Helse Førde er så langt ikkje nemnt med eitt ord i dokumenta som Wikileaks har lagt ut. Ei svært upåliteleg kjelde fortel at informasjonssjefen skal vere både skuffa og vonbroten over dette, men han augnar eit visst håp.

Av dei  251 287 ambassadebreva er i skrivande stund berre 607 publiserte. 763 dokument skal vere sende frå den USA-amerikanske ambassaden i Oslo, og det kan tenkjast at Helse Førde er nemnt i eitt av desse. I ventetida dagdrøymer informasjonssjefen seg til ein jobb som pressesjef i det kvite huset i Washington.